Yangi O‘zbekistonning xorijiy mamlakatlar bilan barcha yo‘nalishlar, xususan, ta’lim sohasidagi xalqaro hamkorlik va aloqalari ham yil sayin kengayib bormoqda.

🌐Xorijiy ta’lim muassasalari bilan memorandumlar imzolanmoqda, olimlar va tadqiqotchilar xorijiy davlatlar oliy o‘quv yurtlari va ilmiy tadqiqot institutlarida o‘zaro tajriba almashish imkoniga ega bo‘lishyapti. Bu borada Rossiya Federatsiyasi ta’lim muassasalari bilan ham yaqin hamkorlik yo‘lga qo‘yilgan.

🔸Shu kunlarda nafaqat Rossiya, balki dunyo miqyosida ham mashhur bo‘lgan M.V.Lomonosov nomidagi Moskva davlat universiteti (MDU) tashkil etilganining 270-yilligi keng nishonlanmoqda. Shu munosabat bilan taʼlim muassasasi Rossiya Federatsiyasi Prezidenti Vladimir Putin tomonidan «Fidokorona mehnati uchun» ordeni bilan taqdirlandi.

🔹Ushbu tantanalarda Qori Niyoziy nomidagi Tarbiya pedagogikasi milliy instituti direktori, pedagogika fanlari doktori, akademik X.Ibraimov ham ishtirok etmoqda.

 114 total views

“ Tarbiyaga O‘zbekistonda ham Yaponiyadagidek e’tibor qaratilayotganidan behad mamnun bo‘ldim”deydi Farg‘ona viloyati hokimining Ta’lim bo‘yicha maslahatchisi, tajribali pedagog Goto Mikako Qori Niyoziy nomidagi Tarbiya pedagogikasi milliy institutida shu sohadagi xorijiy mamlakatlar ilmiy tadqiqot institutlari olimlari va mutaxassislari bilan o‘zaro aloqalar ko‘lami tobora kengayib bormoqda. Farg‘ona viloyati hokimining Ta’lim bo‘yicha maslahatchisi, tajribali pedagog Goto Mikakoning institut olimlari va doktorantlari bilan bo‘lgan uchrashuvi fikrimizga yaqqol dalil bo‘la oladi. Institutimizning bir guruh vakillari Yaponiyada bo‘lib, u yerdagi ta’lim, xususan, tarbiya sohasida olib borilayotgan ishlar, bu borada to‘plangan tajribalar bilan bevosita tanishib qaytgan edi. Bugungi uchrashuvni ana safar va aloqalarimizning mantiqiy davomi, deb atash mumkin,– dedi Qori Niyoziy nomidani Tarbiya pedagogikasi milliy instituti direktori, pedagogika fanlari doktori, akademik Xolboy Ibraimov.Uchrashuvda Goto Mikako Yaponiya ta’lim tizimi tajribasi, ta’limda oila va tarbiyaning o‘rni xususida keng ma’lumot berdi. Biz ham jug‘rofiy, ham mintalitet jihatidan sharqlik sanalamiz. Shu bois bizning mushtarak va uyg‘un jihatlarimiz juda ko‘p. Bu, o‘z navbatida, Yaponiya bilan O‘zbekiston ta’lim va tarbiya sohasida yaqin hamkorlik o‘rnatishida mustahkam zamin bo‘la oladi. Yaponiyada tarbiya bundan uch yil avval maktablarda qo‘shimcha fan sifatida o‘rgatilgan bo‘lsa, endilikda asosiy fanlar qatoriga kiritildi. Meni xursand qilgan jihat shundan iboratki, bugungi kunda O‘zbekistonda ham tarbiya asosiy fanlar qatorida o‘qitimoqda. Ayniqsa joriy yilda Prezident qarori bilan Qori Niyoziy nomidagi Tarbiya pedagogikasi milliy instituti tashkil etilgani meni nihoyatda quvontirdi. Bugungi kunda juda ko‘p mamlakatlarda tarbiyaga alohida e’tibor qaratilayotgani bejiz emas. Chunki dunyo miqyosidagi integratsiya va globallashuv jarayonlari , axbort kommunikatsiya vositalarining keng rivojlanishi, ayniqsa, axbarot tarqalishi va almashinuvining tezkorligi va chegara bilmasligi yoshlarimizda axloq va tarbiyaga bo‘lgan ehtiyoj va e’tiborni yanada oshirdi. Yoshlarimizni turli xil ta’sir va tahdidlardan asrash, milliy an’ana va qadriyatlarimizni saqlash va tiklashda bu juda ham muhims vosita sanaladi, dedi mehmon.Goto Mikako institut jamoasiga Yaponiyadagi Chibo universiteti olimlari tomonidan tayyorlangan ta’lim va oilada tarbiya metodikasiga doir darslik va qo‘llanmalar taqdim etdi. Farg‘ona viloyati hokimining Ta’lim bo‘yicha maslahatchisi, tajribali pedagog Goto Mikako poytaxtimizdagi bir qancha davlat va xususiy maktab hamda maktabgacha ta’lim tashkilotlarida bo‘lib, u yerdagi ta’lim va tarbiya tizimi hamda metodikalari bilan yaqindan tanishdi.

Institut matbuot kotibi I.Xudoyorov

 155 total views

2024-yil 27-noyabr kuni Qori Niyoziy nomidagi Tarbiya pedagogikasi milliy institutida Yaponiyalik tadqiqotchi Vanessa Ozawa bilan davra suhbati bo‘lib o‘tdi. Tadqiqotchi institut faoliyati bilan tanishib, yapon va o‘zbek oilalarida farzandlarni tarbiyalashda umuminsoniy va milliy an’analar o‘rtasidagi farq borasida toʻxtalib oʻtdi. Umumiy o‘rta ta’limda mahalla, oila va maktab zanjiri o‘zbek maktablarida ibratolarli darajada yo‘lga qo‘yilganini ta’kidladi.

Uchrashuv so‘ngida professor o‘qituvchilar va doktorantlar o‘zlarini qiziqtirgan savollarga javob oldilar.

 148 total views

Ayni paytda Qori Niyoziy nomidagi Tarbiya pedagogikasi milliy institutida 13.00.01 -«Pedagogika nazariyasi. Pedagogikol ta’limotlar tarixi»,  13.00.02 – «Ta’lim va tarbiya nazariyasi va metodikasi» hamda 13.00.09 – «Ijtimoiy pedagogika» ixtisosliklari bo‘yicha kirish imtihonlari o‘tkazilmoqda.

 116 total views,  1 views today

Qori Niyoziy nomidagi Tarbiya pedagogikasi milliy institutida 2024-yil 8-oktabr kuni Germaniya Federativ Respublikasidan tashrif qilgan Drezden Texnologiya Universiteti professori JULIA KOINOVA-ZOELLNER bilan uchrashuv bo‘lib o‘tdi.

🇺🇿Uchrashuvni institut direktori akademik X.Ibraimov ochib berdi va institut faoliyatiga bagʻishlab tayyorlangan maxsus videorolik namoyish etildi.
🇩🇪Shundan so‘ng Drezden Texnologiya Universiteti professori JULIA KOINOVA-ZOELLNER so‘zga chiqib, Germaniyada ta’lim sohasida olib borilayotgan islohotlar va o’qituvchilarni faollashtirishning ijtimoiy shakllari va usullari «Didaktika, faol mashg’ulotlarni rejalashtirish hamda dunyoda pedagogik bilimlarni shakllantirish zamonaviy ta’lim paradigmasi doirasida ta’limning ahamiyatini ochish» haqida o‘z fikrlarini bildirdi.

♻️Uchrashuvda institut olimlari va doktorantlari ham o‘z fikr-mulohazalari bilan qizg‘in ishtirok etishdi.

 184 total views,  1 views today

Joriy yilning 25 sentyabr kuni Qori Niyoziy nomidagi Tarbiya pedagogikasi milliy institutida “Tabiiy fanlarni o‘qitish jarayonida o‘quvchi-yoshlarning tabiiy-ilmiy savodxonligini rivojlantirish: muammo va yechimlar” mavzusida repsublika miqyyosida ilmiy-amaliy anjuman bo‘lib o‘tdi. Ilmiy-amaliy anjumanda asosiy maqsad va vazifalari uzluksiz ta’limi tizimi bosqichlarida tabiiy fanlar, jumladan, biologiya, kimyo, geografiya, astronomiya va fizika fanlarini o‘qitilishining hozirgi holati va takomillashtirish masalalaridan iborat bo‘lib, bevosita tabiiy fanlarni o‘qitish jarayonida o‘quvchi-yoshlarning tabiiy-ilmiy savodxonligini rivojlantirish, xalqaro baholash tadqiqotlariga tayyorlash borasida uchrayotgan muammolar va ularning yechimlarni muhokama qilishga e’tibor qaratildi. Mazkur konferensiyada uzluksiz ta’limi tizimi bosqichlarida tabiiy fanlar, jumladan, biologiya, kimyo, geografiya, astronomiya va fizika fanlarini o‘qitishda o‘quvchi-yoshlarning tabiiy-ilmiy savodxonligini rivojlantirishning hozirgi holati va takomillashtirish masalalari bo‘yicha professor-o‘qituvchilar, tadqiqotchilar, amaliyotchi o‘qituvchilar, magistrlar shuningdek talabalar ishtirok etdi.

 175 total views

O‘zbekiston Respublikasi Maktabgacha va maktab ta’limi vazirligi
Qori Niyoziy nomidagi Tarbiya pedagogikasi milliy instituti

Qori Niyoziy nomidagi Tarbiya pedagogikasi milliy institutga matbuot kotibi, bosh ilmiy xodim, yetakchi ilmiy xodim va katta ilmiy xodim lavozimlariga tanlov quyidagi yo‘nalishlarda e’lon qilinadi.

1. Milliy tarbiya, mutaffakkirlar va jadidlarning pedagogik ta’limotlari ilmiy-tadqiqot bo‘limiga:

1 nafar katta ilmiy xodim;

2. “Ota-onalar universiteti” va tarbiyaviy jarayonlarining metodik ta’minoti ilmiy-tadqiqot bo‘limiga 1 nafar bosh ilmiy xodim, 1 nafar katta ilmiy xodim;

3. Ilmiy va ilmiy pedagog kadrlar tayyorlash ilmiy-tadqiqot bo‘limiga 1 nafar yetakchi ilmiy xodim va 1 nafar katta ilmiy xodim;

4. Inklyuziv ta’lim-tarbiya metodikasi ilmiy-tadqiqot bo‘limiga 1 nafar katta ilmiy xodim;

5. Milliy tarbiya jarayonlarini tashkil etish va boshqarish texnologiyalari ilmiy-tadqiqot bo‘limiga 1 nafar bosh ilmiy xodim, 1 nafar katta ilmiy xodim;

6. Milliy tarbiyaning raqamli pedagogik ta’minoti ilmiy-tadqiqot bo‘limiga 1 nafar yetakchi ilmiy xodim, 1 nafar katta ilmiy xodim;

7. “Mahalla-oila-maktab hamkorligi” ilmiy-tadqiqot bo‘limiga 1 nafar katta ilmiy xodim;

8. Xalqaro pedagogik tajribalar ilmiy-tadqiqot bo‘limiga 1 nafar katta ilmiy xodim.

Bosh ilmiy xodim lavozimiga tanlov ishtirokchilariga qo‘yiladigan talablar:

Ma’lumoti: fan doktori yoki fan doktori (Doctor of Science) ilmiy darajasiga yoki xorijiy davlatlarning unga tenglashtirilgan boshqa ilmiy darajalariga va professor yoki katta ilmiy xodim yoki dotsent ilmiy unvoniga ega bo‘lishi

Mutaxassisligi: Faoliyat yo‘nalishi bo‘yicha

Mehnat staji: Kamida 5 yil shundan, 3 yil ilmiy tadqiqot faoliyati bilan shug‘ullangan bo‘lishi kerak.

Yetakchi ilmiy xodim lavozimiga tanlov ishtirokchilariga qo‘yiladigan talablar:

Ma’lumoti: fan doktori yoki fan doktori (Doctor of Science), ilmiy darajasiga yoki xorijiy davlatlarning unga tenglashtirilgan boshqa ilmiy darajalariga va ilmiy unvonga ega bo‘lgan; fan nomzodi yoki falsafa doktori (PhD) ilmiy darajasiga yoki xorijiy davlatlarning unga tenglashtirilgan boshqa ilmiy darajalariga yoki ilmiy unvonga ega bo‘lishi

Mutaxassisligi: Faoliyat yo‘nalishi bo‘yicha

Mehnat staji: Kamida 5 yil shundan, 2 yil ilmiy tadqiqot faoliyati bilan shug‘ullangan bo‘lishi kerak.

Katta ilmiy xodim lavozimiga tanlov ishtirokchilariga qo‘yiladigan talablar:

Ma’lumoti: Fan nomzodi yoki falsafa doktori (PhD) ilmiy darajasi yoki xorijiy davlatlarning unga tenglashtirilgan boshqa ilmiy darajalaridagi ma’lumot,

Mutaxassisligi: Faoliyat yo‘nalishi bo‘yicha,

Mehnat staji: Kamida 2 yil shundan, 1 yil ilmiy tadqiqot faoliyati bilan shug‘ullangan bo‘lishi kerak.

Tanlovga ariza 18-oktabrgacha qabul qilinadi.

Ish haqi shtat jadvali asosida.

Ariza oflayn yozma shaklda.

Toshkent shahar, Olmazor tumani, Ziyo ko‘chasi 6-uy

Murojaat uchun tel.: 97 586 65 55; (telegram ham shu raqamda)

 219 total views

Talab etiladigan hujjatlar roʻyxati:
➡️Ariza;
➡️Qisqacha biografik ma’lumot (obyektivka – namuna 3.5 shakl bo‘yicha o‘zbekcha va ruscha shaklda);
➡️Mehnat daftarchasi (ishlayotgan talabgorlar uchun);
➡️Oliy ta’lim magistraturasi diplomi yoki oliy ma’lumot (mutaxassislik dasturlari bo‘yicha) to‘g‘risida diplom nusxasi;
➡️Nashr etilgan ilmiy ishlar ro‘yxati, shuningdek ularning nusxalari (PhD – kamida 1 ta maqola va 2 ta tezis; DSc – kamida 3 ta maqola va 2 ta tezis);
➡️Pasport nusxasi;
➡️O‘zbekiston Respublikasi Prezidenti Davlat stipendiyasi hujjat nusxasi (mavjud bo‘lsa);
➡️Til bo‘yicha milliy yoki unga mos xalqaro sertifikat (B1). 
❗️ Stajyor-tadqiqotchilikka til sertifikati talab etilmaydi.

 293 total views

Ayni damda Maktabgacha va maktab taʼlimi vazirligi tomonidan tashkil etilgan anʼanaviy III “Ustozlar Milliy forumi” boʻlib oʻtmoqda.
✨Forumda trener sifatida ishtirok etayotgan Qori Niyoziy nomidagi Tarbiya pedagogikasi milliy instituti boʻlim mudiri L.Qaraxonova “Maktabgacha taʻlim tashkilotlarida tarbiyaviy ishlar samaradorligini oshirishda tarbiyachi-pedagoglarning oʻrni” mavzusida seminar o‘tkazar ekan, joriy yilgi forum ham yuqori saviya tashkil etilganini e’tirof etdi hamda mazkur forum sohadagi yangiliklarni ustozlarga yetkazishda muhim ahamiyat kasb etayotganini maʼlum qildi.

 668 total views,  1 views today

Oʻzbekiston pedagogika fanlari ilmiy tadqiqot institutida 20-iyunda «Yangi Oʻzbekiston taʻlim sharoitida talabalarni umuminsoniy qadriyatlarga oid kompetensiyalarini rivojlantirishning pedagogik strategiyalari: muammo va yechimlar» mavzusida konferensiya boʻlib oʻtdi.
🔹Konferensiyada ilmiy-tadqiqot instituti professorlari va doktorantlari, Urganch davlat pedagogika instituti rektori, «Oila va gender» ilmiy-tadqiqot instituti va vazirlikning bir qancha masʼul xodimlari oʻz maʼruzalari bilan ishtirok etishdi.
🔸Konferensiya davomida umuminsoniy qadriyatlar har bir zamon va makonda oʻz ahamiyatini yoʻqotmasligi taʼkidlandi. Tadbir soʻngida har bir maʼruzachi oʻz xulosalarini aytib oʻtishdi.

 677 total views