Bugun, 24-aprel kuni Qori Niyoziy nomidagi O‘zbekiston pedagogika fanlari ilmiy tadqiqot instituti direktori, akademik Ibraimov Xolboy Ibragimovich shogirdlari hamrohligida Urganch davlat universitetiga tashrif buyurdi.
Tashrif doirasida Urganch davlat universiteti jamoasi ishtirokida rasmiy uchrashuv o’tkazildi. Unda ilm-fan sohasidagi so’nggi yangiliklar, ikki oliy ta’lim muassasalaridagi olib borilayotgan islohotlar haqida samimiy muloqot bo’lib o’tdi.

🖊Shundan so’ng, O‘zbekiston pedagogika fanlari ilmiy tadqiqot instituti bilan Urganch davlat universiteti o’rtasida hamkorlik memorandumi imzolandi. Mazkur memorandum ta’lim muassasalari tizimida ilmiy-tadqiqot, ta’lim dasturlari va resurslarini ishlab chiqishga, yuqori malakali ilmiy-pedogogik kadrlarni attestatsiyadan o’tkazish va ta’lim sifatini oshirishga ko’maklashni ko’zda tutadi.

 20 total views,  8 views today

🏛T.N.Qori Niyoziy nomidagi O‘zbekiston pedagogika fanlari ilmiy tadqiqot instituti direktori, akademik Xolboy Ibraimovning navbatdagi uchrashuvi 2024-yil 23-aprel kuni Xorazm viloyatida bo‘lib oʻtmoqda. Dastavval, Urganch davlat pedagogika instituti jamoasi, professor-o‘qituvchilari, magistr, bakalavr talabalari va tinglovchilar uchun mahorat darslari tashkil qilindi.
✨Tadbirni Urganch davlat pedagogika instituti rektori Feruza Madraximova ochib berdi. So‘ng akademik Xolboy Ibraimov Sharq allomalari Al-Xorazmiy, Abu Ali ibn Sinolarning pedagogik qarashlari yuzasidan ma’ruza qildi. Tadbir so‘ngida tinglovchilar o‘zlarini qiziqtirgan savollarga javob oldilar

 23 total views,  8 views today

Joriy yilning 24-aprel kuni O‘zbekiston davlat jahon tillari universiteti Ingliz tili birinchi fakultetining “Pedagogika va psixologiya” kafedrasi professor-o‘qituvchilari tomonidan T.N.Qori Niyoziy nomidagi O‘zbekiston pedagogika fanlari ilmiy tadqiqot institutida sayyor dars mashgʻulotlari tashkil etildi.
📚Ushbu sayyor dars mashgʻulotlarida pedagogika fanlari doktori, dotsent Djurayev Dusmurod Uralovich, pedagogika fanlari doktori, professor Isakulova Nilufar Janikulovna, pedagogika fanlari doktori, professor v.b. Murtozoyeva Mahfuza Murtozayevna, pedagogika fanlari doktori, dotsent Jumaniyozova Muxayyo Tojievna, psixologiya fanlari doktori, dotsent Shamshetova Anjim Karamiddinovalar OʻzPFITIning doktorant va tayanch doktorantlariga ma’ruza qilishdi.
Sayyor darslar ishtirokchilari ma’ruzachilardan o’zlarini qiziqtirgan savollarga javob olishdi.

 21 total views,  11 views today

🔸Bugun OʻzPFITI tomonidan oʻtkazilgan “Raqamli didaktika va madaniyat: zamonaviy tendentsiyalar, yondashuvlar, yechimlar” mavzusidagi respublika ilmiy-amaliy konferensiyada xorijiy va respublikamiz professorlari, olimlari va ilmiy tadqiqotchilari ishtirok etishdi.
✨Konferensiyani institut direktori, p.f.d., akademik Ibraimov Xolboy Ibragimovich ochib berdi.
Shundan so‘ng ma’ruzachilarning: Professor Seungjik Lee – “Ta’lim jarayonida sun’iy intellekt hamda buyumlar internetidan foydalanish”, A.Y.Ibraymov – “Ta’lim jarayonini raqamlashtirilgan pedagogik dizayn vositalari asosida strategik loyihalashtirish mexanizmlari”, A.B.Kamilova – “Maktabda shaxmatni oʻrgatishda raqamli koʻrgazmali qurollarning metodik xususiyatlari”, A.X.Maxmudov – “Raqamli didaktikada vizuallashtirishning o‘ziga xos jihatlari” mavzusida ma’ruzalari tinglandi.
🔸Konferensiya ishtirokchilari raqamli didaktika bo‘yicha eng so‘nggi yangilik va ta’lim dasturlari haqida ma’lumotlardan xabardor bo‘ldilar.

 40 total views,  1 views today

2024-yil 4-aprel kuni «Olima ayollar» ilmiy loyihalar tanlovi navbatdagi turini saralash natijalariga ko‘ra moliyalashtirishga tavsiya qilingan 68 nafar Respublikaning turli hududlaridagi oliy ta’lim va ilmiy tadqiqot muassasalarida faoliyat yuritayotgan olimalarimizni taqdirlash marosimi o‘tkazildi.
🏆Mazkur taqdirlash marosimida O‘zPFITI bo‘lim mudirlari L.M.Qoraxonova va M.Inoyatovalarning ilmiy tadqiqot loyihalari muvaffaqiyatli ishtirok etib, tanlovda g‘oliblikni qo‘lga kiritdilar.
💐Olimalarimizga mazkur tadqiqot loyihasini samarali amalga oshirishda kattadan katta muvaffaqiyatlar tilaymiz!
✨Loyihaning kelgusida ilmiy yutuqlar bilan natijalarga erishishida omad tilaymiz!

 93 total views,  2 views today

Qo‘qon shahar hokimi Usmonov Maruf Azamovich hamda T. N.Qori Niyoziy nomidagi O’zbekiston pedagogika fanlari ilmiy tadqiqot instituti direktori, akademik Xolboy Ibraimov bilan 2024-yil 16-mart kuni navbatdagi uchrashuv boʻlib oʻtdi. Unda ta‘lim sifatini oshirish va kelgusidagi o‘quv ishlarini rejalashtirish bo‘yicha kelishib olindi.

 166 total views,  7 views today

Buvayda tumani ixtisoslashtirilgan maktab va T.N.Qori Niyoziy nomidagi Oʻzbekiston pedagogika fanlari ilmiy tadqiqot instituti o‘rtasida hamkorlik memorandumi imzolandi. OʻzPFITI direktori, akademik Xolboy Ibraimov va ixtisoslashgan maktab direktori Kamolov Otabek No‘monjonovich oʻrtasida imzolangan shartnoma kelgusida pedagog kadrlarning salohiyatini oshirish uchun xizmat qiladi.

 109 total views,  1 views today

T.N.Qori Niyoziy nomidagi Oʻzbekiston pedagogika fanlari ilmiy tadqiqot instituti direktori, akademik Xolboy Ibraimovning bugungi tashrifi Fargʻona viloyati Buvayda tumanidagi ixtisoslashtirilgan umumiy oʻrta taʼlim maktabida boʻlib oʻtdi. Tadbirda professorlar, olimlar, mahalla faollari, maktab direktorlari, oʻqituvchilar va oʻquvchilar ishtirok etishdi. Akademik Xolboy Ibraimov nutqida «Uchinchi Renessans bunyodkorlari» va taʼlim sifati toʻgʻrisida fikr yuritildi.

 95 total views

2024-yil 14-mart kuni Muqimiy nomidagi Qo‘qon Davlat Pedagogika institutida Pedagogika fanlari doktori, akademik Xolboy Ibragimov bilan uchrashuv bo‘lib o’tdi. Unda T.N.Qori Niyoziy nomidagi O’zbekiston Pedagogika fanlari ilmiy tadqiqot instituti doktorantlari, pedagogika sohasidagi olimlar, Qo‘qon Pedagogika instituti jamoasi ishtirok etdi. Tadbir institut hayotidan hikoya qiluvchi ko‘rgazma bilan boshlandi. O’zbekiston Respublikasi Davlat madhiyasi ijro etildi. Institut rektori Dilnoza Shavkatovna mehmonlarni tashrif bilan qutlab, tarixiy institut haqida so‘zlab berdi. Uchrashuv avvalida institut faoliyati bilan bog’liq video rolik namoyish etildi. So‘z akademik Xolboy Ibragimovga berildi. Akademik «Buyuk ajdodlarimizning munosib vorislari» mavzusida ma‘ruza qildi. Pedagogika sohasida nashr qilinayotgan darsliklar, farzand tarbiyasida ota-onaning o‘rni, Abu Rayhon Beruniy va Yassaviyning pedagogik qarashlari haqida so‘zlab berdi.
Qo‘qon Davlat Pedagogika instituti Pedagogika- psixologiya fakulteti dekani Nigora Erkaboyeva va ilmiy va innovatsiya ishlari bo‘yicha prorektor Nurbek Jo‘rayevlar so‘zga chiqdi.
Muqimiy nomidagi Qo‘qon Davlat instituti hamda T. N. Qori Niyoziy nomidagi O’zbekiston Pedagogika fanlari ilmiy tadqiqot instituti o‘rtasida hamkorlik memorandumi imzolandi. Tadbir yakunida Akademik Xolboy Ibragimovga Qo‘qon Davlat Pedagogika instituti faxriy akademigi unvoni berildi.

 120 total views,  1 views today

T.N.Qori Niyoziy nomidagi O’zbekiston Pedagogika fanlari ilmiy tadqiqot instituti mustaqil izlanuvchisi Shomalikova Dilfuza Shoyunusovna 8-mart- Xalqaro xotin-qizlar bayrami arafasida Prezident Shavkat Mirziyoyev Miromonovich farmoniga asosan «Shuhrat» medali bilan taqdirlandi. Shu munosabat bilan institut direktori, pedagogika fanlari doktori, akademik Xolboy Ibragimov institut izlanuvchisini mukofot bilan qutlab, ilmiy tadqiqot institutida Shomalikova Dilfuza kabi olim va olimalar safi ko’payishini tiladi.

 86 total views