Institut direktorining ilmiy ishlar bo’yicha o’rinbosarini lavozim majburiyatlariga quyidagilar kiradi:
O’zbekiston Respublikasi Xalq ta’limi vazirligi tomonidan tasdiqlangan reja-buyurtma, O’zbekiston Respublikasi Fan va texnologiyalarni muvofiqlashtirish Markazi, boshqa vazirliklar, idora va yuridik shaxslar bilan tuzilgan shartnomalar asosida bo’lim va ilmiy laboratoriyalardagi ilmiy tadqiqot mavzu rejalarini tuzishni tashkil etadi va amalga oshiradi.
Institutning ilmiy laboratoriyalari faoliyatiga umumiy rahbarlik qiladi, nazoratini olib boradi hamda ilmiy loyihalar va grantlarni jalb etadi, tadqiqot ishlari natijalarining samaradorligi yuzasidan muntazam monitoring olib boradi, ta’lim mauassasalari, ilmiy tadqiqot markazlari va tashkilotlar bilan innovatsion hamkorlikni yo’lga qo’yadi, innovatsiyalarni amaliyotga tatbiq etadi, o’quv va ilmiy-metodik ishlanmalarni turli yarmarka va ko’rgazmalarda taqdimotini ta’minlaydi.
Laboratoriya xodimlarining shaxsiy ish rejalarini o’z vaqtida tuzilishi va bajarilishini nazorat qiladi. Ilmiy ishlar materiallari, shu jumladan, jurnallar, ilmiy ishlar to’plamlarini institut ilmiy xodimlari, ilmiy izlanuvchilari tomonidan tayyorlanishi va nashr etish jarayoni hamda institutning barcha ilmiy faoliyati yo’nalishlari bo’yicha o’quv-uslubiy, ilmiy davriy nashrlar bilan kutubxona fondini to’ldirib borish bo’yicha umumiy rahbarlik qiladi.
Ilmiy, ilmiy-amaliy anjumanlarni rejalashtiradi, tashkil etadi va o’tkazishni muvofiqlashtiradi hamda boshqa tashkilot va korxonalarda o’tkaziladigan ilmiy anjumanlarda institut ilmiy xodimlari va ilmiy izlanuvchilarining qatnashishini ta’minlaydi, institutda amalga oshirilgan samarali ilmiy faoliyatni rag’batlantirish ishlarini olib boradi.
Institutda katta ilmiy xodim-izlanuvchilar institutini rivojlantiradi, yuqori malakali ilmiy-pedagogik kadrlar tayyorlashni ta’minlaydi hamda institut ilmiy xodimlarining o’z vaqtida ilmiy unvonlarni olishiga ko’maklashadi.
Institut xodimlari, ilmiy izlanuvchilarni chet elga yuborish, shuningdek, institutda xorijiy tashkilotlar va ularning vakillari ishtirokida tadbirlarning (anjuman, seminar, uchrashuv, suhbat va h.k.) o’rnatilgan tartibda o’tkazilishini ta’minlaydi.
Laboratoriyalar ilmiy hisobotlari asosida institutning umumiy ilmiy hisobotini tayyorlaydi va Ilmiy kengashda hisobot beradi.
Institut direktori bo’lmagan vaqtda, zaruriyatga ko’ra o’rniga institutga rahbarlik qiladi va tegishli vazifalarni bajaradi.
Ilmiy ishlar bo’yicha direktor o’rinbosari quyidagilarni bilishi lozim:
- O’zbekiston Respublikasi Qonunlari, Prezident farmonlari va farmoyishlari, Vazirlar Mahkamasining ta’lim va kadrlar tayyorlash sohasidagi qarorlari, Xalq ta’limi vazirligining normativ-huquqiy hujjatlari, ko’rsatmalarini amalga oshirishni;
- Xalq ta’limi vazirligi investitsiyalarni jalb etish va xalqaro hamkorlik bo’limi bilan hamkorlikda chet el grantlarining ilmiy tadqiqot qismi mavzusini va mazmunini shakllantirishda hamda tasdiqlashda qatnashish, barcha ilmiy tadqiqot ishlari, loyihalari va grantlarni bajarish, yuqori tashkilotlar uchun barcha zarur hisobotlarni shakllantirish va taqdim etishni;
- institutda ilmiy faoliyatni rivojlantirish uchun yaratilgan zarur moddiy texnika bazasi, tegishli ilmiy asbob-uskunalardan samarali foydalanish va asrash jarayonlarini boshqarish va muvofiqlashtirishni;
- ma’naviy-ma’rifiy ishlarning joriy va istiqbolli rejalarini ishlab chiqish hamda ularning qat’iy amalga oshirilishini nazorat qilish tizimini vujudga keltirishni;
- vazirlikning ma’naviy-ma’rifiy masalalar bo’yicha qabul qilingan hujjatlarini institut jamoasiga o’z vaqtida yetkazish va ulardagi tadbirlarning bajarilishini ta’minlash;
- O’zbekiston Respublikasi Prezidenti va hukumati tomonidan qabul qilingan farmon va qarorlar mohiyatini ilmiy xodimlar va ilmiy izlanuvchilarga o’z vaqtida tushuntirish ishlarini tashkil qilishni. Buning uchun turli mavzulardagi ma’naviy-ma’rifiy uchrashuvlar, muloqotlar, suhbatlar, savol-javob kechalarini uyushtirishga boshchilik qilishni;
- huquqiy tarbiyani amalga oshirish va huquqbuzarlikning oldini olish maqsadida huquq-tartibot idoralari bilan hamkorlikda ishlashni, mamlakat va xalqaro hayotga oid axborotlarni institut ilmiy jamoasiga yetkazish tizimini tashkil etishni;
- ma’naviy-ma’rifiy masalalarga oid ilmiy, uslubiy va amaliy adabiyotlar, qo’llanmalar tayyorlash hamda ularni chop ettirish ishlarini yo’lga qo’yishni, ma’naviy-ma’rifiy va tarbiyaviy ishlar yo’nalishlari hamda ularning samaradorligini oshirish bo’yicha institut direktoriga takliflar kiritishni;
- O’zbekiston Respublikasi Vazirlar Mahkamasining 1999 yil 12 yanvardagi “Ijro intizomini mustahkamlash chora-tadbirlari to’g’risida”gi 12-sonli qaroriga muvofiq ijro, mehnat intizomi, mehnatni muhofaza qilish, xavfsizlik texnikasi va ishlab chiqarish sanitariyasiga doir qoidalar, institutning Nizomi, Ichki tartib-qoidalari, Ilmiy kengash qarorlari, direktor buyruqlari hamda ta’lim tizimiga doir normativ-huquqiy hujjatlarda qo’yilgan maqsad va vazifalar, shuningdek o’zining xizmat vazifalariga rioya etishni;
- texnika xavfsizligi va yong’in xavfsizligini ta’minlash qoidalarini bilishi kerak.
Malaka talablari:
- professor
- fan doktori
- fan nomzodi
Divanova Muyassar Salexovna 1956 yil 18 sentyabr kuni tug’ilgan. 1978 yil Xorazm davlat pedagogika institutiti tamomlagan. pedagogika fanlari nomzodi. T.N.Qori niyoziy nomidagi O’zPFITIning ilmiy kotibi
Tashxanov Oybek Ashirmetovich 1963 yil 30 yanvarda tug’ilgan. 1982 yil Nizomiy nomidagi Toshkent Davlat Pedagogika Universitetini texnika fanlari va mehnat ixtisosligi mutaxassisligi bo’yicha tugatgan. T.N.Qori niyoziy nomidagi O’zPFITIning xo’jalik ishlari bo’yicha direktor o’rinbosari.
Taylakov Norbek Isoqulovich 1962 yil 28 dekabrda tu’gilgan. 1984 yil Alisher Navoiy nomli Samarqand davlat universitetining matematika fakultetini tugatgan. T.N.Qori niyoziy nomidagi O’zPFITI direktori.
Yakubov Javlon Nigmatovich 1961 yil 7 oktyabr kuni tug’ilgan. 1984 yil, Toshkent qishloq xo’jaligi institutini tamomlagan. Iqtisod fanlari nomzodi. T.N.Qori niyoziy nomidagi O’zPFITIning ilmiy ishlar bo’yicha direktor o’rinbosari
Karimov Komiljon Abduraximovich 1985 yil 10 iyunda tug’ilgan. 2008 yilda Toshkent axborot texnologiyalari universitetining Farg’ona filiali Informatika va axborot texnologiyalari yo’nalishida bakalavr, 2010 yilda Toshket axborot texnologiyalari universitetining elektron tijorat yo’nalishi bo’yicha magistraturani tamomlagan. O’zPFITI ilmiy pedagog kadrlar tayyorlash bo’limi boshlig’i.