Daily Archives: 04.04.2022

04Apr/22

“Kуч – адолатдадир”

Қори Ниёзий номидаги Ўзбекистон Педагогика фанлари илмий тадқиқот институтида 2022-йил 4-апрелда “Kуч – адолатдадир” мавзусида соҳибқирон Амир Темур таваллудининг 686 йиллигига бағишлаб илмий-маърифий анжуман ўтказилди. Анжуманда Соҳибқирон Амир Темур таваллудининг 686 йиллигини муносиб кутиб олиш, темурийлар даврида эришилган маънавий-маданий, илм-фан, таълим-тарбия соҳасидаги ютуқларни тарғиб этиш, темурийлар даври давлатчилик, ҳуқуқ асослари ва педагогикасини чуқур ўрганиш, тарихий ҳаётбахш ғояларни миллий давлатчилик ҳамда таълим-тарбия амалиётига татбиқ этиш борасида фикр-мулоаҳазалар, таклифлар ва тавсиялар ўртага ташланди.

Анжуман ишида олимлар, ходимлар, олий таълим муассасаларининг профессор-ўқитувчилари, методистлар, докторантлар, магистрлар, иқтидорли талабалар иштирок этдилар.

Davomini o’qish

 901 total views

04Apr/22

2 апрель – Халкаро болалар китоби куни

📚📚📚📚📚📚📚📚📚📚📚
Ушбу кун 1967 йилда Халқаро болалар китоби бўйича кенгаш – IBBY томонидан таъсис этилган. Байрам санаси сифатида эса 2 апрель 1805 йилда туғилган даниялик машҳур болалар ёзувчиси Ханс Кристиан Андерсеннинг таваллуд санаси асос қилинган.
Баҳор ойининг иккинчи ойида Халқаро болалар китоби куни муносабати билан жаҳонда кўплаб янги болалар адабиёти нашрларининг чоп этилиши, йирик китоб ярмаркаларининг ўтказилиши ҳам анъана тусига кирган.
Ўзбекистонда ҳам бу кун кенг нишонланади ва турли тадбирлар ўтказилади. Мисол учун 2016 йилда «Фарзандимга китоб совға қиламан» акцияси бўлиб ўтган.

 511 total views

04Apr/22

2-aprel – Xalqaro autizm haqida axborot tarqatish kuni munosabati bilan mutaxassislar bilan uchrashuvlar tashkil etilmoqda

Joriy yil 1-aprel kuni O‘zbekiston Pedagogika fanlari ilmiy-tadqiqot instituti “Inklyuziv ta’lim” bo‘limi mudiri Dildora Madjidova Respublika bolalar ijtimoiy moslashuvi markazi “Ota-ona qaramog‘idan mahrum bo‘lgan bolalar bo‘limi” boshlig‘i Gelena Xrulnova bilan uchrashib, bolalarning sensor integratsiyasi muammolariga bag‘ishlangan ilmiy tadqiqotlarni amalga oshirish, bu yo‘nalishdagi uslubiy qo‘llanmalar va tavsiyalarni hamkorlikda tayyorlash va nashr etish masalalarini muhokama qildilar. Muhokama davomida O‘zbekistonda inklyuziv ta’limning mavjud holati va istiqbollarini aniqlash, zarur taklif va tavsiyalarni vakolatli organlarga taqdim etish muhim ahamiyatga ega ekanligi ta’kidlandi.

 835 total views

04Apr/22

Sergeli tumani 55-sonli umumta’lim maktabida 2-aprel – Xalqaro autizm haqida axborot tarqatish kuniga bag‘ishlangan seminar o‘tkazildi

Birlashgan Millatlar Tashkiloti tomonidan 2-aprel sanasi autizm sindromi haqidagi ma’lumotlarni xalqaro miqyosda ommalashtirish kuni sifatida belgilangan. 2008-yildan beri bu kunda autizmning erta tashxislanishi, autizm sindromi bo‘lgan bolalarning davolanishiga yordam ko‘rsatish, mazkur sindrom to‘g‘risida aholining xabardorligini oshirish va autizm sindromiga ega bo‘lgan bolalar bilan muloqot qilish xususiyatlariga oid targ‘ibot-tashviqot ishlari o‘tkazib kelinmoqda. 

Shu maqsadda, 1-aprel kuni O‘zbekiston Pedagogika fanlari ilmiy-tadqiqot instituti bo‘lim mudirlari Dildora Madjidova, Qoraxonova Lobar hamda TDPU 2-bosqich magistrantlari Bayjigitova Saodat, Rustamova Lola, Tursunova Dildora Sergeli tumani 55-sonli umumta’lim maktabiga tashrif buyurdilar va maktabning boshlang‘ich sinf o‘quvchilari uchun 2-aprel – Xalqaro autizm haqida axborot tarqatish kuniga bag‘ishlangan seminar o‘tkazdilar.

Davomini o’qish

 715 total views,  1 views today